Gwasanaethau anfeddygol : Ymddiriedolaeth GIG Prifysgol Felindre

Cwynodd Mr X, ar ôl i’w ddiweddar wraig gael ei rhyddhau o’r ysbyty, iddo sylwi bod ei modrwy briodas wedi mynd ar goll. Cwynodd Mr X ymhellach na ddilynwyd polisïau a gweithdrefnau’r Ymddiriedolaeth o ran cadw modrwy briodas ei wraig yn ddiogel ac, yn lle ei chloi mewn sêff, fe’i gadawyd ar y cwpwrdd ar erchwyn y gwely.

Nid yw’r Ombwdsmon yn gallu penderfynu a yw’r Bwrdd Iechyd yn atebol am fodrwy briodas diweddar wraig Mr X. Fodd bynnag, nododd yr Ombwdsmon fod camau pellach y gallai’r Ymddiriedolaeth eu cymryd.

Cysylltodd yr Ombwdsmon â’r Ymddiriedolaeth a chytunodd i gwblhau’r camau canlynol erbyn 10 Hydref 2022 er mwyn setlo’r gŵyn:
• Atgoffa aelodau staff perthnasol o’i bolisïau a’i weithdrefnau sy’n gysylltiedig ag eiddo cleifion, ac ysgrifennu at Mr X i ofyn iddo gysylltu â nhw er mwyn cytuno ar iawndal rhesymol.